Plantun de Prouvènço

Pèr coumpara dos planto d'encò nostre

Arenaria aggregata & Plumbago europaea

Arenaria aggregata

Caryophyllaceae

Noms en français : Sabline à fleurs en têtes, Sabline agglomérée.

Descripcioun :
Lineto mountagnardo di cambo pelouso que fai de mato dins lis esboudèu, li tepiero roucaiouso e li paret de roucas. Se recounèis à si flour agroumelado en tèsto sarrado e à si fueio duro, rufo e di proun pounchudo sus quatre rèng. Li meno de Ventour an de cambo proun courteto (fotò). Coumpara emé la lineto-di-gràndi-flour que ié sèmblo .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 10 (25) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Arenaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun
Jun à avoust

Liò : Roucaio - Tepiero seco - Esboudèu
Estànci : Mesoumediterran à Mountagnard
Couroulougi : Mediterranenco-Mountagnardo
Ref. sc. : Arenaria aggregata (L.) Loisel., 1827

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.